Dette er eigentleg ein blogpost som eg har hanta frå min førre blog, og dermed kan det gøtt hende at du har lese dette før; men etter nøye og lenge gjennomtanke, har eg kome fram til at eg gjer samfunnet ei teneste ved å gjere dykk merksame på kva det kan vere lurt å halde seg vekke frå. Dette er sårt tileigna eigne erfaringar som framleis sit att i kroppen...
1. Ikkje varm hardkokte egg i microen.
Konsekvens: Pang! Og egg på veldig mange spanande stader.
2. Prioriter å sjå framfor deg i staden for attende deg dersom du finn deg sjølv syklande mot ei elv.
Konsekvens: Framhjul fast i elverist, samt eit ufriviljug bad i elva.
3. La ikkje plastbollar med brøddeig stå oppå varm keramisk topp.
Konsekvens: Det syner seg at smelta PVC ikkje luktar godt, samt at det er vanskeleg å få den smelta plasten laus frå plata, og at det tek nærare to veker før kjøkensona returnerar til det gamle. Dessutan er det ein veldig lite praktisk måte å steike brød på.
4. Freist ikkje ironi i trøndelag.
Konsekvens: Ingen skjønar at det var ironi du freista, og alle trur at du er skuldig sosiale antenner.
5. Set aldri ei gryte med kokande olje under rennande vatn.
Konsekvens: Ei fin fontene av kokande olje, samt fritering av deg sjølv.
6. Freist aldri å sløkkje eit telys ute av kontroll med restane i ølglaset ditt.
Konsekvens: ei fin fontene av varm stearin, og fritering av deg sjølv, samt at du får ein veldig fin pyroeffekt.
7. Aluminiumsfolie i micro er regelrett dumt.
Konsekvens: Pang, knitre! samt kortslutning av heile den elektriske kreitsen.
søndag 4. mars 2007
Abonner på:
Legg inn kommentarer (Atom)
3 kommentarer:
Du kan godt skrive at man bør prioritere å sjå framfor seg om man syklar mot ein parkert bil òg, helsing ho som kræsja i bilen og hoppa over bilen med skjørt og det heile. Er ikkje så sæxi når halve skulen ser trusa di.
Elles er istid ein super barnefilm, min bror brukar òg å sei replikkane på den. Systra mi òg forresten!:)
Når det gjeld festbussen; var den lilla/rosa? Snakka du med dei? Hadde nokon moods- klede på seg?
For då må du kanskje feste litt med meg i staden, og få eit betre inntrykk av festande Svelgarar. Det er ikkje alle i DEN bussen som er heilt superfantastiske, for å sei det sånn. Ikkje det, eg har festa i den bussen nokre gongar sjølv.
Idag skal eg gå på Fløien. Dagen derpå <3
Fantastisk Mariel! You made my day! Kjartan er lei seg for at han ikkje fekk med seg ski-vm, eg visste ikkje at det var ski-vm. Kjartan vil ogsaa rose deg for det flotte spraaket, eg faar det litt opp i halsen (ufriviljugt?) men likar deg fordi om.
Ein annan viktig ting å ikkje gjere, er å koke seg litt mjølk tidleg om morgonen, og så gå å leggje seg nedpå mens mjølka kokar.
Konsekvens: Mest sannsynleg duppar du av, medan mjølka lever sitt heilt eige liv. Dette fører til at mjølka kokar over, noko som igjen gjer til at kjøkenet stinkar i ei god stund framover.
Legg inn en kommentar